«ﮬﯩﻨﺪﯨﺴﺘﺎﻥ ﯞﺍﻗﯩﺖ ﮔﯧﺰﯨﺘﻰ» ﻧﯩﯔ ﻳﯧﻘﯩﻨﺪﺍ ﺧﻪﯞﻩﺭ ﻗﯩﻠﯩﺸﯩﭽﻪ, ﺋﻪﻧﮕﻠﯩﻴﻪ ﭘﯩﺴﺨﻮﻟﻮﮔﯩﻴﻪ ﺋﯩﻠﻤﯩﻲ ﺟﻪﻣﺌﯩﻴﯩﺘﯩﻨﯩﯔ ﻧﻮﺗﺘﯩﯖﮭﺎﻡ ﻳﯩﻠﻠﯩﻖ ﻳﯩﻐﯩﻨﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺗﯜﺭﻟﯜﻙ ﻳﯧﯖﻰ ﺗﻪﺗﻘﯩﻘﺎﺗﺘﯩﻦ ﻣﻪﻟﯘﻡ ﺑﻮﻟﯘﺷﯩﭽﻪ, ﺋﺎﺩﻩﻡ ﺩﺍﺋﯩﻢ ﻳﺎﻟﭙﯘﺯ ﭼﯧﻴﻰ ﺋﯩﭽﺴﻪ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﻳﺎﺧﺸﯩﻠﯩﻨﯩﺪﯨﻜﻪﻥ.
ﺗﻪﺗﻘﯩﻘﺎﺗﺘﺎ ﺋﻪﻧﮕﻠﯩﻴﻪ ﻧﻮﺭﺳﯘﻣﺒﯩﻴﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺩﻭﻛﺘﯘﺭ ﻣﺎﺭﻙ ﻣﻮﺱ ﯞﻩ ﺋﯘﻧﯩﯔ ﺗﻪﺗﻘﯩﻘﺎﺕ ﮔﯘﺭﯗﭘﭙﯩﺴﻰ 180 ﻗﺎﺗﻨﺎﺷﻘﯘﭼﯩﻨﻰ ﺋﯜﭺ ﮔﯘﺭﯗﭘﭙﯩﻐﺎ ﺑﯚﻟﯜﭖ, ﺋﯘﻻﺭﻏﺎ ﺋﺎﻳﺮﯨﻢ-ﺋﺎﻳﺮﯨﻢ ﮬﺎﻟﺪﺍ ﻳﺎﻟﭙﯘﺯ, ﻣﺎﻳﭽﯧﭽﻪﻙ ﭼﯧﻴﻰ ﯞﻩ ﻗﺎﻳﻨﺎﻗﺴﯘ ﺋﯩﭽﻜﯜﺯﮔﻪﻥ. 20 ﻣﯩﻨﯘﺗﺘﯩﻦ ﻛﯧﻴﯩﻦ, ﺗﻪﺟﺮﯨﺒﯩﮕﻪ ﻗﺎﺗﻨﺎﺷﻘﯘﭼﯩﻼﺭ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﯞﻩ ﺗﻮﻧﯘﺵ ﺋﯩﻘﺘﯩﺪﺍﺭﻯ ﺗﻮﻏﺮﯨﺴﯩﺪﯨﻜﻰ ﺳﯩﻨﺎﻗﻘﺎ ﻗﺎﺗﻨﺎﺷﻘﺎﻥ. ﻧﻪﺗﯩﺠﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ, ﻣﺎﻳﭽﯧﭽﻪﻙ ﭼﯧﻴﻰ ﻳﺎﻛﻰ ﻗﺎﻳﻨﺎﻗﺴﯘ ﺋﯩﭽﻜﻪﻥ ﺗﻪﺟﺮﯨﺒﯩﮕﻪ ﻗﺎﺗﻨﺎﺷﻘﯘﭼﯩﻼﺭﻏﺎ ﺳﯧﻠﯩﺸﺘﯘﺭﻏﺎﻧﺪﺍ, ﻳﺎﻟﭙﯘﺯ ﭼﯧﻴﻰ ﺋﯩﭽﻜﻪﻥ ﺗﻪﺟﺮﯨﺒﯩﮕﻪ ﻗﺎﺗﻨﺎﺷﻘﯘﭼﯩﻼﺭﻧﯩﯔ ﺋﯘﺯﺍﻕ ﯞﺍﻗﯩﺘﻠﯩﻖ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ, ﺧﯩﺰﻣﻪﺕ ﺟﻪﮬﻪﺗﺘﯩﻜﻰ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﻴﯩﺘﻰ ﮬﻪﻣﺪﻩ ﺳﻪﺯﮔﯜﻟﯜﻙ ﺩﻩﺭﯨﺠﯩﺴﯩﺴﻰ ﺋﯚﺳﻜﻪﻥ. ﻳﺎﻟﭙﯘﺯ ﭼﯧﻴﻰ ﻳﺎﻛﻰ ﻗﺎﻳﻨﺎﻗﺴﯘ ﺋﯩﭽﻜﻪﻥ ﺗﻪﺟﺮﯨﺒﯩﮕﻪ ﻗﺎﺗﻨﺎﺷﻘﯘﭼﯩﻼﺭ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ, ﻣﺎﻳﭽﯧﭽﻪﻙ ﭼﯧﻴﻰ ﺋﯩﭽﻜﻪﻥ ﺗﻪﺟﺮﯨﺒﯩﮕﻪ ﻗﺎﺗﻨﺎﺷﻘﯘﭼﯩﻼﺭﻧﯩﯔ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯚﯞﻩﻧﺮﻩﻙ ﺑﻮﻟﻐﺎﻥ.
ﺩﻭﻛﺘﯘﺭ ﻣﻮﺳﻨﯩﯔ ﺋﯧﻴﺘﯩﺸﯩﭽﻪ, ﺋﯩﻜﻜﻰ ﺧﯩﻞ ﭼﺎﻳﻨﯩﯔ ﺋﺎﺩﻩﻣﻨﯩﯔ ﻛﻪﻳﭙﯩﻴﺎﺗﻰ ﯞﻩ ﺗﻮﻧﯘﺵ ﺋﯩﻘﺘﯩﺪﺍﺭﯨﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﺋﻮﺧﺸﺎﺷﻤﺎﻳﺪﯨﻐﺎﻥ ﺑﻮﻟﯘﭖ, ﻳﺎﻟﭙﯘﺯ ﭼﯧﻴﻰ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﯩﻨﻰ ﺋﯚﺳﺘﯜﺭﯛﺷﻜﻪ ﭘﺎﻳﺪﯨﻠﯩﻖ ﺋﯩﻜﻪﻥ. ﻣﺎﻳﭽﯧﭽﻪﻙ ﭼﯧﻴﯩﻨﯩﯔ ﻧﯧﺮﯞﯨﻨﻰ ﺗﯩﻨﭽﻼﻧﺪﯗﺭﯗﺵ ﺭﻭﻟﻰ ﺑﺎﺭ ﺋﯩﻜﻪﻥ.
ﺋﯘﻧﯩﯖﺪﯨﻦ ﺳﯩﺮﺕ, ﻳﺎﻟﭙﯘﺯ ﭼﯧﻴﯩﻨﯩﯔ ﻛﯩﺸﯩﻨﻰ ﺭﻭﮬﻼﻧﺪﯗﺭﯗﺵ, ﮬﻪﺯﯨﻢ ﻗﯩﻠﯩﺸﯩﻨﻰ ﻳﺎﺧﺸﯩﻼﺵ, ﻳﯚﺗﻪﻝ ﯞﻩ ﮔﺎﻝ ﺋﺎﻏﺮﯨﺶ ﻗﺎﺗﺎﺭﻟﯩﻖ ﺯﯗﻛﺎﻡ ﺋﺎﻻﻣﻪﺗﻠﯩﺮﯨﻨﻰ ﻳﯧﻨﯩﻜﻠﯩﺘﯩﺶ, ﺋﯧﻐﯩﺰ ﭘﯘﺭﺍﺷﻨﻰ ﻳﻮﻗﯩﺘﯩﺶ ﻗﺎﺗﺎﺭﻟﯩﻖ ﺭﻭﻟﻠﯩﺮﻯ ﺑﺎﺭ ﺋﯩﻜﻪﻥ. (ﺋﺎﻧﯩﻘﯩﺰ ﺭﻭﺯﻯ ﺗﻪﺭﺟﯩﻤﯩﺴﻰ)