ئاق رەڭلىك يېپىشقاق ماڭقا بولسا، زۇكامنىڭ ئېغىرلىشىش مەزگىلى ياكى ئاستا خاراكتېرلىك بۇرۇن كاۋىكى ياللۇغى مەزگىلىدە كۆپ كۆرۈلىدۇ. دوختۇرنىڭ تونۇشتۇرۇشىچە، زۇكام ئېغىرلاشقاندىن كېيىن ماڭقا ئاستا-ئاستا قويۇق سۈت رەڭگە ئۆزگىرىدىكەن. ئەگەر 10 كۈندىن ئارتۇق زۇكام بولۇپ يەنىلا ياخشىلىنىش بولمىغان، ھەمدە بۇرۇن پۈتۈپ قېلىش، باش ئاغرىش قاتارلىق ئالامەتلەر كۆرۈلگەن بولسا، بالىنىڭ بۇرۇن كاۋىكى ياللۇغىغا گىرىپتار بولغان-بولمىغانلىقىنى ئويلىشىش كېرەك، بۇ چاغدا بالىنى مەخسۇس كېسەللىكلەر دوختۇرخانىسىغا ئاپىرىپ تەكشۈرتۈپ دىئاگنوز قويۇش كېرەك. 

شۇنىڭ بىلەن بىر ۋاقىتتا، سېرىق، يېشىل يىرىڭلىق ماڭقا كېسەللىك باكتېرىيىسى بېسىپ كىرگەندە كۆپ كۆرۈلىدۇ. دوختۇرنىڭ ئېيتىشىچە، سېرىق، يېشىل، يىرىڭلىق ماڭقا پەيدا بولغاندا، بالىنىڭ بەدىنىنىڭ كېسەللىك باكتېرىيەسى تەرىپىدىن يۇقۇملانغانلىقى، ئاق قان ھۈجەيرىسى بىلەن كېسەللىك باكتېرىيەسىنىڭ «بىرىكىش»تىن كېيىن بۇرۇن بوشلۇقىغا چىقىرىۋېتىلسە، ماڭقا سېرىق، يېشىل ياكى سېرىق يېشىل رەڭگە ئۆزگىرىدىغانلىقى، بۇ چاغدا دوختۇرلار بالىنىڭ ۋىرۇس بىلەن يۇقۇملانغانلىقىنى ياكى باكتېرىيە بىلەن يۇقۇملانغانلىقىنى تەكشۈرۈشى كېرەكلىكىنى، شۇنىڭدەك ئانتىبىئوتىك دورىلارنى ئىشلىتىش كېرەكمۇ- يوق دېگەن مەسىلىنى ئايدىڭلاشتۇرۇش كېرەك ئىكەن.